الفقر والبطالة

من طرف **Maryam** 2012-05-01, 03:13

الفقر والبطالة
شدتني كلمات المخيني عن الفقر واحسست انني امام مشهد حقيقي فأبت نفسي إلا ان أنزل هذا العمل فالمنتدى
انا محامي عن جميع المساكين
قضيتي ضد الفقر والبطالة!
حد انكسر ظهرة كثر ماحمل دين
وحدن يشد لغربته "كل رحاله
وحدن كسر حصالته "يأأأأأه مسكين
هذي حصيلة سهرته واشتغاله!
وحد انحرف واختار له سكة الشين
أصلا بيلقى غير درب الضلالة؟!
هذا يقيم لعزة النفس ""(تأبين)!
لو كان يكسب لقمته من سؤاله
احيان احس ان الفقر فالبشر (جين)
الأب يعطي (جين فقره)""عياله!
واحيان احسه "مثل أية قوانين
تسري علينا بس" !و(ناس ) إستحاله!
في "سوق مطرح" وازدحام الدكاكين
ولد يتاجر بالوفا ""للحثالة!!
رث الملابس "مظهره يزعج العين
حافي "وارض السوق "كانت نعاله
جيته "وقلت اعطيه مني ،،ريالين
عسى انها تصبح أموره سهالة
قلت السلام :وقال :أهلا وسهلين
ونـــ سألته عن علومه وحاله
ثم ابتسم لي :ياصديقي انا زين
أتنفس واركع لرب الجلالة
أبوي نايم""بس متلحف الطين!
خلا(ثلاث اشخاص )"فالناس عالة
امي عجوز تعيش دار المسنين
واخوي ضايع في دروب الجهالة
وانا،،أدور عن عمل لين هالحين
عسى احقق رغبتي من خلاله
حسيته يحاول يباغتني بلين
ويميل اغصاني عليه،،أستمالة!
وحسيت مايستاهل اعطيه ميتين!!
مدري"أحس ف نبرته شي،،نذاله
هزيت راسي "قلت له:ربك يعين
ورحت ماودي اطاوع هباله
حتى ابتعدت ورحت مدري إلى وين!
وشفت (الولد نفسه)"وقفلي قباله
وقال:خذ،،طاحن من إيدك ريالين!!
من بعد ماكلمتني في البقاله!!
يارب ابعد عننا الظن ""آمين
الفقر ماهو من خلا جيب ماله
الفقر فقر الذات والخلق والدين
ياكم غني ماذاق لقمة حلاله
انا محامي عن جميع المساكين
قضيتي ضد الفقر والبطالة!
حال الفقير اليوم"حاله من سنين
محد سعى حتى يدور بداله
ويش الغريب ان الفقارى مدانين؟
دام الغني هاني بثوبه وشاله!
سرق لجل يهنأ ب(أرض السجن)لين:
يلقى وطن"يقدر يحقق مناله
والــــــــــــــله ان النوم جنب المساجين
أفضل من انه ينام جنب الزباله!

من كتابات حمود المخيني