خمس دقائق فقط

أبي خمس دقايق من وقتك الغالي يا غالي .. وإذا ما عندك وقت خلاص قفل الرساله ومتى ما فضيت إقراها وإنت هادي ورايق ومركز زين ..
أرجوك تقرا هذي الرساله إلى الأخير .. وتأكد إنك إنت المستفيد وراح تحس براحه رهيبه :
شوف عزيزي .. أكيد إنك شايف الناس هالأيام كيف قاعدين يسعون ويتفننون في طلب الرزق .. هذا ياخذ قرض ودخل بالأسهم وهذاك طول يومه بمعارض السيارات وهذاك طاحت عيونه من كثر ما درس وسهر وتعلم .. وهذا ما شاف أهله من كثر ما يدور على تجارته.. و و و و و .. وبصراحه ما أحد يلومهم .. الكل يبي رزقه يكثر وينبسط بحياته ..
بس فيه شغله ناس كثير جدا جدا ما فكروا فيها .. حتى أكبر العقليات الإستثماريه ما جت على بالهم إلا من رحم ربي .. يقول الله سبحانه وتعالى { فقلت استغفروا ربكم إنه كان غفارا * يرسل السماء عليكم مدرارا * ويمددكم (بأموال) وبنين ويجعل لكم جنات ويجعل لكم أنهارا}
الإستغفار : يا ناس يا عالم الإستغفار سبب رئيس لأشياء حلوه في حياتنا .. أشياء ياما وتمنيناها ..
من فينا ما يحب المطر ..؟
من فينا ما يحب المال ..؟
من فينا ما يحب يكون عنده أولاد وبنات ..؟
من فينا ما يحب يعيش بوسط جنات وأنهار في الحياه الدنيا ..؟
هذي كلها أشياء خياليه .. وماهي صعبه ولا مستحيله على رب العالمين سبحانه ..الله قادر إنه يحققها لنا.. بس إذا حققنا المطلوب منا.. وش المطلوب منا ..؟
شي واحد وبس .. ولا أسهل منه .. {الإستغفار} والإكثار منه .. طيب والنتيجه ..؟
أنا أقولك النتيجة :
النتيجه عسى ربي يحفظك ويسلمك إن الإستغفار سبب في نزول المطر {بإذن الله} ..وسبب في زياده الرزق ..وسبب في إن الواحد منا يرزق بالذريه الصالحه إن شا الله.. وسبب في تحول أراضينا إلى جنات وأنهار .. وهذا مو كلامي ولا كلام الشيخ فلان .. لا هذا كلام الله سبحانه ..
الله الله في الإكثار من الإستغفار .. {استغفر الله الذي لا إله إلا هو الحي القيوم وأتوب إليه} ..

بورك فيك
أستغـــــــــــــــــــــــــــــــــــــــــــــــــــفـــــــــــــــــــــــــــــــــر اللـــــــــــــــــــــــــــــــــــــــــــــــــــــــــــــــه