كرسي الإعترااااااااااااااااااااف

طالبة علم كتب:

ألحين دوري:

1- اغمض عينيك دقيقه لو سمحت, ماذا خطر على بالك وأنت مغمضة العينين ؟

غمضت عيني تخيلت اني فيني اجنحه واطيييييييييييير فووووووووووووق مثل العصافير
2- أحلى صفة تعجبك في نفسك؟ وصفة ترجين الخلاص منها؟

احلى صفه فيني اني متوازنه وافكر بعقلانيه اتقبل اراء الاخرين يعني لما يصير اي نقاش حاد اسمع وبعدين اعطي رايي
ايضا احب اساعد اللي حولي واللي احبهم افرح اذا شفت الشخص مبتسم لاني قدرت اساعده

صفه اتمنى اتخلص منها احيانا اغضب بسرعه بس احاول امسك اعصابي قدر المستطاع
3- موقف مضحك لا تنسيه؟

ف كثير مواقف مرت واحس ان المواقف المضحكه تصير بشكل يومي
بس الموقف اللي يحضرني الحين لما طحت من الدرجه وهذا كان لما كنت سنه 2 ف الكليه كنت طالعه من الكلاس س 8 المساء ومعي 2 من ربيعاتي وانا نازله من الدرج دست عبايتي وطحت من اول درجه للاخيره جالسه اتخيل شكلي
بس لما وصلت اخر درجه مسكينات ربيعاتي يقومني بس نقعت ضحك وهن كانن ساكتات لما شافني اضحك صارن يضحكن
ما حسيت بالم الا لما وصلت البيت بصراحه لما اتذكر اجلس اضحك
4- شخصية أثرت في شخصيتك وتوجهين لها التحية والشكر ( اختاري شخصية من المنتدى وأخرى من خارج المنتدى)

كثير شخصيات اثرت فيني داخل وخارج المنتدى وتركت بصمه بحياتي

ف خارج المنتدى اول شي جدي الله يرحمه كان له دور كبير ف صقل شخصيتي كان دايما يوجهلي نصايح
معلماتي ايام الدراسه وما انسى فضلهن ابدا
داخل المنتدى بصراحه المنتدى ككل كان له تأثير كبير ف حياتي وبجد استطعت اتغير للاحسن كل حفيده من الحفيدات اعجبت بصفه فيها
مثلا المديره سعده تعجبني علو همتها وتشجيعها المستمر لنا
الانسه منشن اخت غاليه على قلبي اشكرها ع تشجيعها المستمر لي تعجبني ايجابيتها كثير
جرح اختي القريبه مني جدا ايضا لها بصمه كبيره ف حياتي يعجبني صبرها ابتسامتها ولو كانت تتالم
ما اريد احدد ككل المنتدى كان له بصمه ف حياتي
5- من قدوتك؟

قدوتي بعد رسولي الحبيب واصحابه وامهات المؤمنين امي وابي

6- متى آخر مره بكيت؟وليش؟ -الله يبعد عنك الحزن_
اخر مره بكيت ما اذكر
بس تجيلي حالات احيانا احس برغبه بالبكاء احس اني ارتاح لما ابكي
الله يبعد عني وعنكم الحزن

7- ما الذي يلفت انتباهك بسرعة في الشخص لكي تحبيه؟

اول شي يلفتني ابتسامه الشخص وهدوءه
يجذبني غموض الشخص احب اعرف عنه اكثر
8- احكي عن علاقتك بالقراءة؟
احب القراءه كثير ولكن تجيلي فترات ما اقراء ابدا
واحسني مقصره كثير بس دخولي المنتدى وهمه البنات شجعتني ع العوده للقراءه

9- أي لون تحبي؟
احب اللون البحري وااااااايد اس براه لما اشوفه

10- حكي لنا عن ماذا حلمتي أمس بالمنام؟

امس ما حلمت بس قبل امس حلمت حلم وااااااااااايد حلو لاني قبل ما انام كنت اكلم جرح حلمتها حلمت انا كنا نركض وف بنت معنا امسكت يدها وركضنا عشان نركب القطار لا يروح عنا عاد هذا القطار ما اعرفه قطار هيش وين رايح؟؟اهم شي هذا الحلم واللييعرف يفسر يساعدنا

جرح الزمن كتب: عاد سؤالي بيكون حلوا



ايش اسمك ههههههههه
اسمي قوووووووووووووووت لاه
اسمي احلى اسم بنوته
اللي يخلي بابا اللي سماني هالاسم لاني واااااااايد احب اسمي وافتخر فيه
اسمي(.........)
عرفتوه صح
بصراحه ماعندي سؤال اساله حالك

احسن يوم ما عندك اسئله هيش بعدك تبي تعرفي اكثر



السؤال الثاني :::::

هل تحبي جرح الصغيره؟؟؟؟؟؟؟؟؟؟؟؟

هههههههههههههه وليش هالسؤال تبا تشوف غلاوتها الدبه

لحظه خليني افكر شويه

الآنسة منشن كتب:

هلا قوتوه...
اسمحيلي ماما رأسي داااااااير اليوم شوي
كنت مقتبسة مشاركة من مشاركاتك وطبعا رديت ع الإقتباس
وكتبت مساهمتي عاد ورسلتها بعدما تمت العملية بنجاااااااح

بس في النهاية اكتشفت بعد فوات الأوان
إني كنت ضاغطه ع تحرير
يعني كنت جالسه ألعب في مساهمتك
فاضطريت في النهاية أحذفها عاد .. والسموحة منك
بس ما أعيدها التوبه بفتح عيوني زين في المرات القادمة

هذا اعتداء ع حقوق الملكيه الفكريه برفع قضيه وبوصلها الادعاء العام عشان اتوبي ما تعيديها لا فيي ولا في غيري